atha EkaadaSOdhyaayaH |
arjuna uvaacha |
madanugrahaaya paramaM guhyamadhyaatmasaMgnyitam |
yattvayOktaM vachastEna mOhOyaM vigatO mama || 1 ||
bhavaapyayau hi bhootaanaaM Srutau vistaraSO mayaa |
tvattaH kamalapatraakSha maahaatmyamapi chaavyayam || 2 ||
EvamEtadyathaattha tvamaatmaanaM paramESvara |
draShTumichCaami tE roopamaiSvaraM puruShOttama || 3 ||
manyasE yadi tachCakyaM mayaa draShTumiti prabhO |
yOgESvara tatO mE tvaM darSayaatmaanamavyayam || 4 ||
Sreebhagavaanuvaacha |
paSya mE paartha roopaaNi SataSOtha sahasraSaH |
naanaavidhaani divyaani naanaavarNaakRuteeni cha || 5 ||
paSyaadityaanvasoonrudraanaSvinau marutastathaa |
bahoonyadRuShTapoorvaaNi paSyaaScharyaaNi bhaarata || 6 ||
ihaikasthaM jagatkRutsnaM paSyaadya sacharaacharam |
mama dEhE guDaakESa yachchaanyaddraShTumichCasi || 7 ||
na tu maaM SakyasE draShTumanEnaiva svachakShuShaa |
divyaM dadaami tE chakShuH paSya mE yOgamaiSvaram || 8 ||
saMjaya uvaacha |
Evamuktvaa tatO raajanmahaayOgESvarO hariH |
darSayaamaasa paarthaaya paramaM roopamaiSvaram || 9 ||
anEkavaktranayanamanEkaadbhutadarSanam |
anEkadivyaabharaNaM divyaanEkOdyataayudham || 10 ||
divyamaalyaambaradharaM divyagandhaanulEpanam |
sarvaaScharyamayaM dEvamanantaM viSvatOmukham || 11 ||
divi sooryasahasrasya bhavEdyugapadutthitaa |
yadi bhaaH sadRuSee saa syaadbhaasastasya mahaatmanaH || 12 ||
tatraikasthaM jagatkRutsnaM pravibhaktamanEkadhaa |
apaSyaddEvadEvasya SareerE paaMDavastadaa || 13 ||
tataH sa vismayaaviShTO hRuShTarOmaa dhanaMjayaH |
praNamya Sirasaa dEvaM kRutaanjalirabhaaShata || 14 ||
arjuna uvaacha |
paSyaami dEvaaMstava dEva dEhE sarvaaMstathaa bhootaviSEShasaMghaan |
brahmaaNameeSaM kamalaasanasthamRuSheeMScha sarvaanuragaaMScha divyaan || 15 ||
anEkabaahoodaravaktranEtraM paSyaami tvaaM sarvatOnantaroopam |
naantaM na madhyaM na punastavaadiM paSyaami viSvESvara viSvaroopa || 16 ||
kireeTinaM gadinaM chakriNaM cha tEjOraaSiM sarvatO deeptimantam |
paSyaami tvaaM durnireekShyaM samantaaddeeptaanalaarkadyutimapramEyam || 17 ||
tvamakSharaM paramaM vEditavyaM tvamasya viSvasya paraM nidhaanam |
tvamavyayaH SaaSvatadharmagOptaa sanaatanastvaM puruShO matO mE || 18 ||
anaadimadhyaantamanantaveeryamanantabaahuM SaSisooryanEtram |
paSyaami tvaaM deeptahutaaSavaktraM svatEjasaa viSvamidaM tapantam || 19 ||
dyaavaapRuthivyOridamantaraM hi vyaaptaM tvayaikEna diSaScha sarvaaH |
dRuShTvaadbhutaM roopamugraM tavEdaM lOkatrayaM pravyathitaM mahaatman || 20 ||
amee hi tvaaM surasanghaa viSanti kEchidbheetaaH praanjalayO gRuNanti |
svasteetyuktvaa maharShisiddhasaMghaaH stuvanti tvaaM stutibhiH puShkalaabhiH || 21 ||
rudraadityaa vasavO yE cha saadhyaa viSvESvinau marutaSchOShmapaaScha |
gandharvayakShaasurasiddhasaMghaa veekShantE tvaaM vismitaaSchaiva sarvE || 22 ||
roopaM mahattE bahuvaktranEtraM mahaabaahO bahubaahoorupaadam |
bahoodaraM bahudaMShTraakaraalaM dRuShTvaa lOkaaH pravyathitaastathaaham || 23 ||
nabhaHspRuSaM deeptamanEkavarNaM vyaattaananaM deeptaviSaalanEtram |
dRuShTvaa hi tvaaM pravyathitaantaraatmaa dhRutiM na vindaami SamaM cha viShNO || 24 ||
daMShTraakaraalaani cha tE mukhaani dRuShTvaiva kaalaanalasaMnibhaani |
diSO na jaanE na labhE cha Sarma praseeda dEvESa jagannivaasa || 25 ||
amee cha tvaaM dhRutaraaShTrasya putraaH sarvE sahaivaavanipaalasaMghaiH |
bheeShmO drONaH sootaputrastathaasau sahaasmadeeyairapi yOdhamukhyaiH || 26 ||
vaktraaNi tE tvaramaaNaa viSanti daMShTraakaraalaani bhayaanakaani |
kEchidvilagnaa daSanaantarEShu saMdRuSyantE choorNitairuttamaangaiH || 27 ||
yathaa nadeenaaM bahavOmbuvEgaaH samudramEvaabhimukhaa dravanti |
tathaa tavaamee naralOkaveeraa viSanti vaktraaNyabhivijvalanti || 28 ||
yathaa pradeeptaM jvalanaM pataMgaa viSanti naaSaaya samRuddhavEgaaH |
tathaiva naaSaaya viSanti lOkaastavaapi vaktraaNi samRuddhavEgaaH || 29 ||
lElihyasE grasamaanaH samantaallOkaansamagraanvadanairjvaladbhiH |
tEjObhiraapoorya jagatsamagraM bhaasastavOgraaH pratapanti viShNO || 30 ||
aakhyaahi mE kO bhavaanugraroopO namOstu tE dEvavara praseeda |
vignyaatumichCaami bhavantamaadyaM na hi prajaanaami tava pravRuttim || 31 ||
Sreebhagavaanuvaacha |
kaalOsmi lOkakShayakRutpravRuddhO lOkaansamaahartumiha pravRuttaH |
RutEpi tvaaM na bhaviShyanti sarvE yEvasthitaaH pratyaneekEShu yOdhaaH || 32 ||
tasmaattvamuttiShTha yaSO labhasva jitvaa SatroonbhunkShva raajyaM samRuddham |
mayaivaitE nihataaH poorvamEva nimittamaatraM bhava savyasaachin || 33 ||
drONaM cha bheeShmaM cha jayadrathaM cha karNaM tathaanyaanapi yOdhaveeraan |
mayaa hataaMstvaM jahi maa vyathiShThaa yudhyasva jEtaasi raNE sapatnaan || 34 ||
saMjaya uvaacha |
EtachCrutvaa vachanaM kESavasya kRutaanjalirvEpamaanaH kireeTee |
namaskRutvaa bhooya Evaaha kRuShNaM sagadgadaM bheetabheetaH praNamya || 35 ||
arjuna uvaacha |
sthaanE hRuSheekESa tava prakeertyaa jagatprahRuShyatyanurajyatE cha |
rakShaaMsi bheetaani diSO dravanti sarvE namasyanti cha siddhasaMghaaH || 36 ||
kasmaachcha tE na namEranmahaatmangareeyasE brahmaNOpyaadikartrE |
ananta dEvESa jagannivaasa tvamakSharaM sadasattatparaM yat || 37 ||
tvamaadidEvaH puruShaH puraaNastvamasya viSvasya paraM nidhaanam |
vEttaasi vEdyaM cha paraM cha dhaama tvayaa tataM viSvamanantaroopa || 38 ||
vaayuryamOgnirvaruNaH SaSaankaH prajaapatistvaM prapitaamahaScha |
namO namastEstu sahasrakRutvaH punaScha bhooyOpi namO namastE || 39 ||
namaH purastaadatha pRuShThatastE namOstu tE sarvata Eva sarva |
anantaveeryaamitavikramastvaM sarvaM samaapnOShi tatOsi sarvaH || 40 ||
sakhEti matvaa prasabhaM yaduktaM hE kRuShNa hE yaadava hE sakhEti |
ajaanataa mahimaanaM tavEdaM mayaa pramaadaatpraNayEna vaapi || 41 ||
yachchaavahaasaarthamasatkRutOsi vihaaraSayyaasanabhOjanEShu |
EkOthavaapyachyuta tatsamakShaM tatkShaamayE tvaamahamapramEyam || 42 ||
pitaasi lOkasya charaacharasya tvamasya poojyaScha gururgareeyaan |
na tvatsamOstyabhyadhikaH kutOnyO lOkatrayEpyapratimaprabhaava || 43 ||
tasmaatpraNamya praNidhaaya kaayaM prasaadayE tvaamahameeSameeDyam |
pitEva putrasya sakhEva sakhyuH priyaH priyaayaarhasi dEva sODhum || 44 ||
adRuShTapoorvaM hRuShitOsmi dRuShTvaa bhayEna cha pravyathitaM manO mE |
tadEva mE darSaya dEvaroopaM praseeda dEvESa jagannivaasa || 45 ||
kireeTinaM gadinaM chakrahastamichCaami tvaaM draShTumahaM tathaiva |
tEnaiva roopENa chaturbhujEna sahasrabaahO bhava viSvamoortE || 46 ||
Sreebhagavaanuvaacha |
mayaa prasannEna tavaarjunEdaM roopaM paraM darSitamaatmayOgaat |
tEjOmayaM viSvamanantamaadyaM yanmE tvadanyEna na dRuShTapoorvam || 47 ||
na vEdayagnyaadhyayanairna daanairna cha kriyaabhirna tapObhirugraiH |
EvaMroopaH Sakya ahaM nRulOkE draShTuM tvadanyEna kurupraveera || 48 ||
maa tE vyathaa maa cha vimooDhabhaavO dRuShTvaa roopaM ghOrameedRunmamEdam |
vyapEtabheeH preetamanaaH punastvaM tadEva mE roopamidaM prapaSya || 49 ||
saMjaya uvaacha |
ityarjunaM vaasudEvastathOktvaa svakaM roopaM darSayaamaasa bhooyaH |
aaSvaasayaamaasa cha bheetamEnaM bhootvaa punaH saumyavapurmahaatmaa || 50 ||
arjuna uvaacha |
dRuShTvEdaM maanuShaM roopaM tava saumyaM janaardana |
idaaneemasmi saMvRuttaH sachEtaaH prakRutiM gataH || 51 ||
Sreebhagavaanuvaacha |
sudurdarSamidaM roopaM dRuShTavaanasi yanmama |
dEvaa apyasya roopasya nityaM darSanakaankShiNaH || 52 ||
naahaM vEdairna tapasaa na daanEna na chEjyayaa |
Sakya EvaMvidhO draShTuM dRuShTavaanasi maaM yathaa || 53 ||
bhaktyaa tvananyayaa Sakya ahamEvaMvidhOrjuna |
gnyaatuM draShTuM cha tattvEna pravEShTuM cha paraMtapa || 54 ||
matkarmakRunmatparamO madbhaktaH sangavarjitaH |
nirvairaH sarvabhootEShu yaH sa maamEti paaMDava || 55 ||
OM tatsaditi SreemadbhagavadgeetaasoopaniShatsu brahmavidyaayaaM yOgaSaastrE SreekRuShNaarjunasaMvaadE
viSvaroopadarSanayOgO naamaikaadaSOdhyaayaH ||11 ||